XMAS_02_001

“at the end of the day”

pag naririnig ko itong phrase na ito eh kumukulo ang dugo ko. sobrang overused at tangina talaga, pag naririnig ko ito sa opisina, parang gusto kong mang gulpi. pero pag pinaguusapan ang tahanan eh, eto ang pinaka paborito ko – the end of the day. upo ka lang sa labas ng bahay, samahan mo ng yosi at malamig na iced tea at hintayin ang pagdating ng takipsilim.

Advertisements

PI-JUNE-03-037

in between davao and cotabato ang mt apo, ang pinakamataas na bundok sa pilipinas. gumawa kami rito ng power plant sa gitna ng gubat. ang emphasis ng plantang ito ay sa environmental compliance at malaki ang ginastos upang ma-minimize ang impact ng planta sa kalikasan. i’m proud to be part of the team that made this possible. mahigit pitong taon na itong tumatakbo na walang problema at patuloy na nagbibigay ng kuryente sa buong isla ng mindanao. ito ang project na ginawa ko na pinaka satisfying.

umuwi ako ngayong linggo upang gawan ng project study ang augmentation ng automation system ng planta. sana matuloy ito para muling makabalik sa langit.

PI-JUNE-03-078

sina jet, darlene at lani. tatlong itlog o tatlong maria… bahala na kayo. nagsasaya ang tatlong magkapatid sa bahay at nagkakantahan.

PI-JUNE-03-015

ito na ngayon ang hitsura ng bahay sa antipolo, almost 2 years after lumipat kami sa singapore. malalaki nang mga halaman ko. medyo wild na rin ang ibang mga tanim. ok lang yon siguro. wild rin naman ako. malapit nang mag-sunset nang kinuha itong larawan…my favorite part of the day. sina jet ay nasa loob ng bahay at naghahanda nang hapunan. ako naman ay umiinom ng iced tea at naghahanda nang magdilig.

GINULAT MO AKO

June 23, 2003

kikita ulit kami ng mylab ko bukas. susunduin nya ako sa naia at diretso kaming POEA para ayusin yung papeles ko. putonginamoy, kagagaling ko lang doon 2 weeks ago, balik na naman para pumila. sana may online na lang na processing ng OEC para di na kailangang magpakita pa doon. disadvantage para sa mga OFW ang magtrabaho sa sariling bayan. magtatrabaho ka na nga, sasadya ka pa doon. malaking abala. kunswelo ko lang eh pagtapos ng POEA eh may date kami. hehehe. sarap sarap.

Read the rest of this entry »

bukas, balik ulit akong manila. pahinga isang araw tapos biyaheng davao. from davao, long drive paakyat ng mt. apo. baba sa davao ng sabado, uwi ng maynila. balik ng singapore ng linggo. pahinga ng isang araw. martes, byaheng sydney. trabaho hanggang sabado, lipad ng perth ng linggo. trabaho sa perth hanggang martes, pahinga ng miyerkoles. conference sa singapore ng huwebes. pahinga isang linggo. lipad ng shanghai ng 24. trabaho hanggang sabado. lipad ng beijing ng linggo. trabaho hanggang martes. uwi ng miyerkoles. by the time na matapos ang trabaho ko, august na.

wala nang sars, welcome back the accidental tourist.

Ang laki sa layaw,
karaniwa’y hubad,
walang karsonsilyo’t
labas ang bayag

sinulat ba ito ni balagtas?

di talaga ako magaling sa housework. at least, not at par with the meticulous and very high standards of jet. para sa kanya, dapat fresh smelling at mabango ang labada (na di ko magawa), yung sahig dapat spotless na halos madulas ka (na di ko magawa), pag may nahulog na abubot ay magagalit siya (parati kong ginagwa). those sort of things. it is an understatement to say na control freak siya sa bahay.

Read the rest of this entry »

grand opening ngayon dito sa singapore ng NEL (north-east line). ito yung underground train system na ginawa nila na umiikot palibot sa north-east part (where else?) ng siyudad… $5 billion cost, 16 stations over 20 kilometers. what’s cool about this new MRT system is that it is the first fully automated underground heavy rail system in the world.

anong ibig sabihin nito? uh, walang driver yung train. hehehe… being an automation engineer myself, interesado ako kung papaano ito tatakbo ngayong commercial operation na siya. i’m sure marami pa itong bugs at yung fact na walang driver ang train makes it more exciting. narinig nyo na ba yung kanta ng soul asylum?

PI-JUNE-03-205

tj, az, mommy, jay and dante. now dante is a legend in philippine radio. he started punk rock in the philippines and was the long time host of “pinoy rock and rhythm” during the glory days of the rock of manila. his name is howlin’ dave and he’s my brother.

Read the rest of this entry »

a cook’s tour” by tony bourdain. the travels of a new york cook around the world in search for the “perfect meal”. great book to bring on a trip.

what i’m currently watching while i’m working at home: “beatles anthology, box set of 5 dvd’s. kakalabas lang sa singapore at binili ko agad. if you want to find out how great the beatles were and how they shaped music as we know today, go and watch this 11 hour perspective of the life and times of john, paul, george and ringgo. the sound’s really really great, especially if your player has DTS.

what i’m currently watching habang nagpapaantok: “purple rose of cairo” , written and directed by woody allen. “I just met a wonderful new man. He’s fictional, but you can’t have everything”, so says mia farrow in the movie. di ko matapos tapos dahil parati akong nakakatulog. hehehe… i play the dvd and the next thing you know tapos na yung movie at umaga na. pinagpapalit palit ko yung aking other favorite na “groundhog day” at itong movie na ito para makatulog sa gabi. hirap talaga ng home alone ano?

PI-JUNE-03-206

si az, pinaglalaruan yung nunal ko sa mukha. hehehe… siguro nakikita niya ang magiging hitsura niya pag siya’y tumanda: yung matang singkit at sutil na ngiti. give me five, tito jay! aray!

yung pagka-sutil, singkit na mata at malalim na boses, minana naming lahat sa daddy ko. naalala ko na naman siya. birthday niya nung june 4 at kung buhay pa siya ngayon ay 81 na siya. marami akong kwento sa daddy ko. maraming mga ala-ala na minsan nagpapasaya sa akin, minsan nama’y magpapa-senti.

Read the rest of this entry »

PI-JUNE-03-207

from left to right, counter clockwise: si tj, malayo pa lang ako eh nakangiti na. ang bagong dating na si az, sama agad sa akin. sila ang dalawang apo ko. actually mag-pinsan sila. si tj ay anak ni donna. si az ay anak ni david. si david at si donna ay magkapatid. kuya nila si dennis. silang tatlo ay anak ni gigi na kapatid ko. si dennis (kahit pamangkin ko) ay mas matanda sa akin ng 4 na buwan pero sabay kaming lumaki (oo, sabay nabuntis ang mommy at ate ko) at pareho ang aming circle of friends (“i also friend him”, hehehe).

Read the rest of this entry »

PI-JUNE-03-201

ang mga apo namin ni jet… si tj, 3 years old, all around singer dancer, kabisado nang dancing queen. si az, 8 months old, galawgaw, di mapakali. nahulog na sa kama sa sobrang likot, kamukha ko raw nung baby ako.

paano ba magluto ng kanin? hehehe… tinuruan ako ni jet bago ako umalis pero parang nakalimutan ko na eh. hirap talagang home alone. bili na lang kaya ako ng chicken rice takeout mamaya? pizza hut? burger king? magpaampon muna kaya ako sa kapitbahay namin

ang tanga tanga ko no? engineering graduate, di marunong mag-saeng. bahala na, kung maluto eh di may kanin. kung hindi, eh di may lugaw.

I DON'T FRIEND YOU!

June 10, 2003

narinig ko na naman yung “i don’t friend you” sa mga taga-rito. ngyehehe… ito ang shinglish nang “di na tayo bate”. pag naririnig ko itong popular singaporean expression, ibig sabahin eh malayo na ako sa bayan ng mga pinoy.

“i don’t friend you”, “i don’t friend you”. bwakanginangyan.

ako forever hopeful na aangat ang pilipinas kahit papaano. alam ko rin na aabutin nang matagal para matanggal ang masama sa ating lipunan. siguro mga dalawa o tatlong generasyon. by that time, wala na ako sa mundong ito. pero di bale, basta mangyari lang ito, kahit nasan ako nang time na ito ay masaya na ako.

BACK IN SINGAPORE

June 9, 2003

nandito na ako sa singapore. kakadating ko lang ngayong gabi. medyo malungkot dahil wala si jet. two weeks pa siya sa manila bago lumipad dito. ako lang mag-isa at medyo nakakapanibago.

bago pumasok ng airport eh, kumain muna kami nina jet ng takeout na jollibee sa breakwater ng manila bay. maganda na pala doon. inayos na ang harapan at marami nang mga park bench at may mga restaurant na. what a great last day to spend before coming over here.

ngayon, heto akong nag-iisa, balik trabaho na naman at muling nangangarap na makauwing muli.

NAKAHIGA SA ANTIPOLO

June 8, 2003

nakahiga sa kama sa isang makulimlim at medyo mahangin na umaga dito sa antipolo. ang sarap ng pakiramdam. mamaya, bababa kami para mag tanghalian sa mga mommy ko. tapos balik ulit dito sa taas mamayang late afternoon. itong hapunan naman, magluluto ako ng aking famous inihaw na pork liempo. tapos, bukas ng gabi, babalik na ako sa singapore.

GALING SA "NOLI"

June 8, 2003

ibarra: “…iniibig kong kagaya ninyo ang aking bayan. di lamang sapagkat tungkulin ng bawa’t tao ang umibig sa bayang maglalaan marahil sa kanya sa huling hantungan… kundi sapagkat utang ko sa kanya at magiging utang ko ang aking kaligayahan!”

elias: “at ako po, sa ganang akin, ay sapagkat utang ko sa kanya ang aking kasawian”

PERSPECTIVE

June 8, 2003

looking from the perspective of an engineer who covers the asia-pacific region: nakikita ko kung saan pumupunta ang mga negosyo. sa thailand, sa china, sa malaysia, sa indonesia. konti lang dito. ito yung mind boggling… here we are, one of the most skilled, most intelligent, english speaking people in the region and yet we don’t get the majority of the business. fucking hilarious if you ask me. kaya heto akong humihiling na sana may maguudyok na magaling na pinoy para mapabilis ang pag-asenso natin sa pilipinas. either that, or in the words of pilosopo tasyo sa noli, magkaroon ng delubyo para anurin ng ulan ang lahat ng madumi sa ating lipunan.

natapos ang linggong ito, punong puno ng mga meeting sa cliente at mga presentation. kasama ko si henry, ang aking kaupisinang malaysian-chinese. buti siya ang kasama ko dahil di siya maselan sa pagkain. nung lunes ay pinakain ko siya ng balut. walang ka-kurap-kurap niyang isinubo ang itlog. hehehe… gustong gusto rin niya ang sisig natin. at siyempre, ang tuna belly. sinama ko rin siya rito sa bahay at pinatikim ng bihon guisado. buti yon para malaman niya na walang kalasa-lasa ang pansit sa singapore. bumili rin kami ng marang at kinain namin sa aking hardin.

masarap daw ang buhay ko rito, ang sabi niya… may sariling bahay, may garden, nakatira sa bundok, sariwa ang hangin at maganda ang view. isang malakas na “i second the fucking motion!”, ang sagot ko.

BIRTHDAY NG MOMMY KO

June 2, 2003

birthday ng mommy ko kahapon. 79 years old na siya. sa araw ng aming pagdating, nag salo-salo sila sa bahay ng kapatid ko sa tagaytay. di kami nakaabot at nagpasya na lang ako na dalawin siya ngayon. hindi ko rin sinabi sa kanila na uuwi kami kaya’t isang malaking surpresa ito para sa kanya. nagkita nga kami kanina at siyempre, tuwang tuwa niyang sinalubong ang kanyang paboritong, si bunso.

nagkita rin kami ng mga kapatid ko, mga pamangkin at apo. malaki na si tj at makulit pa rin, naron din ang bagong dating sa si az, ang 8 months old na apo sa tuhod ng mommy ko. inihahambing si az parati sa akin pag nagkukwento ang mommy ko sa telepono tuwing tinatawagan ko siya from singapore. kamukhang kamukha ko raw siya nung baby ako. “eh di pogi pala”, ang sabi ko naman. kanina ko lang siya nakita at hmmm… medyo kahawig ko nga. guwapo ring tulad ko. hehehe. masuwerte ang batang ito. hehehe. pareho kami ng matang medyo singkit. mga matang pamana sa amin ng daddy ko. kung buhay lang sana siya ngayon, sigurado akong ipagyayabang na naman niya na “pinapatay ang mga pangit sa mga lahi ni david”.

happy birthday mommy. sana patuloy ka pa ring maging malakas para next year, gagawin nating engrande ang 80th birthday mo. kung tutuusin, ako ang binigyan mo ng regalo dahil nakita na naman kita.

ika-limampung anibersaryo ng kasal ng mga magulang ni jet ngayon. isang malaking okasyon ng kanilang pamilya at may munting salo-salo sa kanilang tahanan sa novaliches. alas otso pa lang ng umaga ay bumaba na kami nina kuya bong, darlene at lucas, kasama sina anna banana (ang aming alalay dito sa bahay) at ang kanyang anak na si donita. hindi alam ng kanyang mga magulang na uuwi kami at isang malaking surpresa para kanila ang makita si jet ngayong araw. munting nang mahimatay ang mommy ni jet nung makita siya, wala ako roon nung nangyari ito dahil nagbababa ako ng gamit, pero naririnig ko ang katakot-takot na sigaw ng kanyang ina. actually, walang nakakaalam na uuwi kami kahit na sino sa mga naroon sa bahay nila kaya laking gulat na lang ng lahat nang bumaba ako sa sasakyan at binigyan ng isang matamis na ngiti na may kasamang kindat si kuya el, ang panganay nina jet. masaya ang araw na ito para sa pamilya. maraming iyakan, tawanan at katakot takot na kwentuhan ang nangyari kanina. hayaan ko na lang na si jet ang magkwento para kumpleto ang detalye.

kung gagawing dahilan ang araw na ito para gumastos kami sa pamasahe ni jet, sa mga pasalubong at sa mga iba pang normal na bayarin ng isang typical na umuuwing balikbayan, masasabi ko na sulit lahat ito. walang katapat na perang maibabayad sa tuwa ng mga magulang ni jet nang makita siya.

WELCOME HOME BATJAY

June 2, 2003

gumising ako kanina at ang una kong ginawa ay uminom ng kape, habang pinagmamasdan ang mga halaman at bulaklak ng aking hardin. kung makailang beses ko na itong iniisip gawin habang nagpapakahirap magtrabaho sa singapore. wala, masaya lang ako.

nagpakapagod kang magtrabaho sa ibang bansa. bawat araw na lumilipas ay nagdaraang mabilis, tapos gising ka na lang isang umaga, nasa pilipinas ka na. kahapon ng umaga nasa singapore ako, pagkatapos ng pananghalian, nandito na ako sa bahay sa antipolo. parang milagro. isang iglap lang biglang nagbago ang itsura ng mundo ko.

dito kami natulog sa sala ni jet, kagabi. naglatag lang kami ng kutson at nagbaba ng unan. kinaugalian na namin ito nung dito pa kami sa pilipinas nakatira. sina kuya bong, darlene at lucas ang sumundo sa amin. dito na rin sila natulog at pinagamit namin ni jet ang aming bedroom. katabi namin sa higaan si datu, ang aming alagang mini-pinscher.

dumalaw din nga pala sina jun alferez, si edwin narciso at si mon rivera, ang aking mga classmate since kinder (1971) at long time friends. uminom kami ng isang case at kalahating san mig light, ang aming drink of choice since last year. gumawa rin si anna banana ng “menstruation dish” (dinuguan), pansit at sinigang na baka na siyang dinner/pulutan namin. nagpabili rin ako ng andok’s liempo ng tatlong beses dahil na-miss ko ang lasa ng inihaw na baboy ng anim na buwan. umuulan kagabi at sa garahe kami nag-inuman.

nagpunta rin sina lolet at ang kanyang mister na si sir bong at kanilang mga anak. sila ang aming mga kapitbahay rito at siyang umaalalay sa bahay namin habang wala kami. dito na rin sila naghapunan.

masaya ang unang araw namin sa pilipinas. binisita ng mga kaibigan at kamag-anak, narito sa aming sariling tahanan at natulog ng mahimbing sa isang malamig at maulan na gabi.